अंश नभै सगोलमा रहेको गोश्वारा धनबाट व्यवहार चलाउन प्रचलित नेपाल कानून बमोजिम अधिकार पाएका व्यक्तिले सो गोश्वारा धनबाट व्यहोर्ने गरी यस ऐन बमोजिम कुनै ठेक्का लिएको रहेछ भने त्यस्तो ठेक्का सम्बन्धी अधिकार र दायित्व प्रचलित नेपाल कानून बमोजिम सबै अंशियारको हुनेछ ।

तर ठेक्का बन्दोवस्त हुँदा त्यसमा सरीक हुन मञ्जूर भई ठेक्का लिएकोमा त्यस्ता अंंशियार बाहेक अरु अंशियार मध्ये कसैले सो ठेक्कामा सरीक हुन मञ्जूर नभै पट्टा उठाएको वा चलन पूर्जी लिएको मितिले दुई महिनाभित्र सो कुराको लिखित सूचना ठेक्का बन्दोवस्त गर्ने अड्डा, कार्यालय वा अधिकारीलाई दिएमा सो ठेक्कामा निजको कुनै हक वा दायित्व रहने छैन ।